Loading...

MODI સરકાર ના 98,000 કરોડના બુલેટ ટ્રેન પ્રોજેક્ટમાં બહાર આવ્યા કોભાંડ

ભારતનો મહત્વાકાંક્ષી અમદાવાદ-મુંબઈ બુલેટ ટ્રેન પ્રોજેક્ટ ઓગસ્ટ 2022 સુધીમાં તૈયાર થઈ જાય તેવો ટાર્ગેટ છે, પરંતુ આ પ્રોજેક્ટમાં મોટી અડચણ ઉભી થઈ છે. પ્રાપ્ત માહિતી અનુસાર, બુલેટ ટ્રેન પ્રોજેક્ટ માટે જમીન અધિગ્રહણ કરવામાં અડચણ આવી રહી છે. મહારાષ્ટ્રના પાલઘર જિલ્લાના આદિવાસી ગામોના લોકો પોતાની જમીન આ પ્રોજેક્ટ માટે આપવા તૈયાર નથી.

Loading...

પાલઘરના 70થી વધુ ગામોના લોકોએ બુલેટ ટ્રેન માટે પોતાની જમીન આપવાનો સ્પષ્ટ ઈનકાર કરી દીધો છે, એટલું જ નહીં આ ગામોમાંથી પસાર થતા પ્રસ્તાવિત બુલેટ કોરિડોર સામે પણ ગામના લોકો જોરદાર વિરોધ કરી રહ્યા છે. બુલેટ ટ્રેનના કોરિડોરની લંબાઈ 508 કિલોમીટર છે, અને તેનું કામ જાન્યુઆરી 2019થી શરુ કરી દેવાનું સરકારનું આયોજન છે. આ વર્ષના અંત સુધીમાં પ્રોજેક્ટ માટે જરુરી જમીનનું સંપાદન કરી લેવાની પણ ડેડલાઈન નક્કી કરી દેવાઈ છે.

બુલેટ ટ્રેન પ્રોજેક્ટ માટે રેલવે મહારાષ્ટ્ર અને ગુજરાતમાં 1400 હેક્ટર જમીનનું અધિગ્રહણ કરશે, જેના માટે 10,000 કરોડ રુપિયા ફાળવવામાં આવ્યા છે. જેમાંથી 200 હેક્ટર જમીન પાલઘર જિલ્લામાંથી લેવાની છે. જે જગ્યાએ જમીન અધિગ્રહણ કરવાની છે તે મોટાભાગે આદિવાસી વસ્તી ધરાવતા ગામોમાં છે, અને તેઓ પોતાની જમીન આપવા રાજી નથી. લોકલ પોલિટિક્સ પણ તેમાં અડચણ ઉભી કરી રહ્યું છે તેમ પણ રેલવેના એક અધિકારીએ જણાવ્યું હતું.

Loading...
Loading...