Loading...

ગીર- સોમનાથ ના માધવરાય મંદિર ના પુજારી એ પરિણીત સ્ત્રી ને ફસાવી આચર્યું દુષ્કર્મ..

તાલાળાના આંકોલવાડીની વતની અને પ્રાંચી ગામે સાસરે રહેતી બે સંતાનની માતા એવી યુવતીએ નોંધાવેલી ફરિયાદમાં જણાવ્યું કે, ‘તે અવારનવાર માધવરાય મંદિરે દર્શન કરવા જતી હતી. જેના કારણે મંદિરના મહંત રીષીગીરી રાજનગીરી ગોસ્વામીના સંપર્કમાં આવી હતી. જે બાદ દોઢેક વર્ષ પહેલા મહંતે મને મંદિરમાં સેવા કરવા માટે બોલાવી હતી. જે ક્રમ થોડા વધુ સમય માટે જળવાઈ રહેતા મહંત અને પીડિતા વચ્ચે નજીદીકી વધી હતી.

Loading...

પીડિતાના જણાવ્યા અનુસાર મહંતે તેનો ફાયદો લઈ લગ્નની લાલચ આપી મંદિરના ઉપરના માળે ગાદીપતિના રૂમમાં બળજબરીથી મારી સાથે શારીરિક સંબંધ બાંધ્યો હતો. જે બાદ કેટલોક સમય સુધી તેમના સંબંધો આગળ વધ્યા હતા જે બાદ તેણે લગ્નનું દબાણ કરતા મહંતે પહેલા પતિ પાસેથી છૂટાછેડા લઇ લે પછી લગ્ન કરીશું તેમ કહ્યું હતું.

જોકે મહંતની વાતમાં આવીને યુવતિએ પોતાના પતિ પાસેથી છૂટાછેડા લઈ લીધા હતાં. અને પોતાના પિતાને ઘેર રહેવા જતી રહી હતી. જોકે મહંત પરત લગ્નનો વાયદો કરી યુવતિને પ્રાચી મંદિરે લઇ આવેલ અને અવારનવાર દુષ્કર્મ આચર્યું હતું. જે બાદ એક વર્ષ પહેલા લગ્ન કરવા જવાનું છે તેમ કહી યુવતિને અંબાજી લઇ ગયો હતો. પરંતુ અહીં પણ લગ્ન ન કર્યા અને બળજબરી પૂર્વક શરીર સંબંધ બાંધ્યો હતો.

જોકે યુવતી ત્યારબાદ પરત પોતાના પિતાના ઘરે ચાલી જતા મહંતે તેને ફરી મંદિરે બોલાવી હતી. આ સમયે યુવતીએ મહંત સામે શરત રાકી હતી કે લગ્ન કરશો તો જ આવીશ બાકી નહીં આવું. જેથી ગુસ્સે થયેલ મહંતે તેના પિતાના ઘેર જઈ યુવતિને પરત બળજબરીથી મંદિરે લઇ ગયો હતો. જ્યાં તેણે યુવતીને માર મારી મંદિરના ઉપરાના ભાગે પૂરી દીધી હતી.

યુવતિએ કહ્યું કે જે બાદ પોતાના પૂર્વ પતિને મદદ માટે ફોન કરતા તેણે મહંતની ચુંગાલમાંથી છોડાવી હતી. જોકે મહંતે મારા પૂર્વ પતિની સામે જ મને જોઈ લેવાની ધમકી આપી હતી. આ અંગે ગુનો નોંધી સ્થાનિક પોલીસે તપાસ હાથ ધરી છે તેમજ મહંતને ઝડપી લેવા પ્રયાસ શરૂ કર્યા છે.

Loading...
Loading...