Loading...

લાઈસન્સ વિના કાર ચલાવતા પકડાઈ તો દંડથી બચવા પોલીસને કરી સેક્સની ઓફર

ડ્રાઈવિંગ લાઈસન્સ વિના કાર ચલાવી રહેલી એક રશિયન મોડલને બે મહિના માટે જેલની સજા ફટકારવામાં આવી. આ મોડલ પર આરોપ છે કે તેણે પોતાની વિરુદ્ધ કાર્યવાહી ન કરવા માટે બે પોલીસ કર્મચારીઓને વારાફરતી અથવા એકસાથે સેક્સની ઓફર કરી હતી.

Loading...

કિરા માયેર નામની આ 24 વર્ષિય રશિયન મોડલ મોસ્કોમાં લાઈસન્સ વિના ડ્રાઈવિંગ કરી રહી હતી. બે પોલીસ કર્મચારીઓએ તેને રોકતા તેણે ઝઘડો કરવાનું શરૂ કરી દીધું, આટલેથી ન અટકતા તેણે બંનેને નખ મારીને લાત પણ મારી. એક ન્યૂઝ વેબસાઈટ મુજબ બે પોલીસ કર્મચારીઓ પર હુમલો કર્યા બાદ સજાથી બચવા માટે તેણે બંનેને સેક્સની ઓફર કરી હતી. જોકે પોલીસે તેની ઓફરને નકારી કાઢીને તેની ધરપકડ કરી લીધી.

તપાસ કમિટી મુજબ, આ મોડલ પર પહેલાના ગુના બદલ નવેમ્બરથી 15 મહિના સુધી કાર ચલાવવા પર પ્રતિબંધ છે. આથી ટ્રાફિક પોલીસ કર્મચારીએ તેને રોકી હતી. પોલીસે તેને રોકતા જ તે જોરથી બૂમો પાડવા લાગી અને પોતાના ડોક્યૂમેન્ટ્સ ખેંચવા માટે પણ પ્રયાસ કર્યો. આટલેથી આગળ વધી તેણે બંને સાથે મારજૂડ કરી હતી. હાલમાં મોડલની પૂછપરછ કરાઈ રહી છે.

Loading...
Loading...